Issi ka to naam pyaar hai ...

Hum kahte hain khayalon me aate hain vo,
Vo kahte hain unka to dil bekaraar hai
Vo poochte hain kya dawa hai, kya marz hai ...
Hum kahte hain issi ka to naam pyaar hai.

Hame dikhti nahin koi seemayen pyaar ki,
Unhe to bas dikhti deewar hai.
Vo kahte hain pyaar kya hota hai ...
Hum kahte hain issi ka to naam pyaar hai.

Jaan jate hain ki vo aa gaye -
Goonj hai kano me har pal payal ki jhankaar hai
Vo sochte hain ki hame unka intazaar hai...
Hum kahte hain issi ka to naam pyaar hai.

Haan pyaar hai hame - kaise kahen ?
kitna hai ? - bas beshumaar hai...
Vo bhi dekhte hain -kis baat ka shumar hai...
Hum kahte hain issi ka to naam pyaar hai.

Chahte hain hum unhe beintehaan,
Maante unhen apna sansaar hain
Vo pyaar ki seemayen poochte hain ....
Hum kahte hain issi ka to naam pyaar hai.

Ham kahte hain hame ikraar hai -
Vo kahte hain unhe inkaar hai.
Vo maangte hain nishaniyan pyaar ki...
Hum kahte hain issi ka to naam pyaar hai.

Kahen chahe vo jo, pa lenge unhe ek din
Is baat ke hum bhi kasamwaar hain
Vo poochte hain- kasme kis baat ki hain...
Hum kahte hain issi ka to naam pyaar hai.