Tuesday, January 11, 2005

Gam is baat ka nahin ki tum na mili...

Gam is baat ka nahin ki tum na mili...
Tumhara deedar tak na mila ye mukaddar ki baat hai...

Aasoon jo na bah sake moti jaise thhe...
Tumne paani samajh liya ye mukaddar ki baat hai...

Sirf ek ehsaas hai jo teri yaad dilata rahta hai...
Aur koi ehsaas hi nahin ye mukaddar ki baat hai...

Gulabon ne tujhse khusbu churayi ye koi atishyokti nahin...
Mere daaman ke katen sirf mukaddar ki baat hai...

Mere pyaar ki gahrayi tum samajh na saki...
Tumne kosihsh hi na ki ye mukaddar ki baat hai...

Gila is baat ki nahin ki ye dil toot gaya...
Koi marham bhi to nahin ye mukaddar ki baat hai...

Teri yaad me gazal likh kar din guzaar diye hain...
Gazal poori nahin hui ye mukaddar ki baat hai...

is gazal ko kisi tarah tuj tak pahunchana chahta thha....
hawaoon ne tak inkaar kiya ye mukaddar ki baat hai...

posted by Rohit Malshe at 3:48 AM

2 Comments:

Blogger Khushi said...

This comment has been removed by a blog administrator.

11:53 AM  
Blogger Khushi said...

hawaon tuk ne na pahunchaye un tuk aapke is pyaar ke kalaam ko...
unkahi reh gayee aapki baat yeh mukadar ki baat hai...

in unkahi baton ko ek khubsurat roop mein dhala aapne...
jisse khubh saraha yaaron ne yeh mukadarr ki baat hai...

aise nagmon ko padhne ka mauka humme bhi naseeb hua...
Yeh mere mukadarr ki baat hai! :D

Hee hee! I m not as good at poetry n stuff as u r but still...itz my passion to write...
U write gr8 stuff! Itz gud to read such nice hindi poems after a long time...keep writing!
Cheerz...

11:56 AM  

Post a Comment

<< Home